Bayern Munich wanakaribia kukamilisha uhamisho wa kumnunua kocha wa Burnley Vincent Kompany kuchukua nafasi ya Thomas Tuchel kama kocha

Kwa mujibu wa gazeti la Ujerumani la Bild na mtandao wa Sky, pamoja na gazeti la Uingereza la The Guardian, Mbelgiji huyo amefikia makubaliano kimsingi na Bayern.

Kutokana na hali hiyo, klabu hiyo ya Ujerumani sasa IAPANAG KUFANYA fidia kwa Burnley, ambapo Kompany bado ana miaka minne kwenye mkataba wake.

Burnley KWA SASA wameshuka daraja kutoka Ligi ya Premia baada ya msimu mmoja pekee katika ligi kuu ya Uingereza.

Bayern ilikubali kuachana na Tuchel mwezi Februari baada ya kuachwa nyuma ya mabingwa wa mwisho Bayer Leverkusen katika mbio za ubingwa.

Kompany ndiye mgombea wa hivi punde katika orodha ndefu inayohusishwa na Bayern.

Kocha wa Leverkusen Xabi Alonso, mkufunzi wa Ujerumani Julian Nagelsmann na meneja wa Austria Ralf Rangnick wote wameripotiwa kukataa nia ya Bayern.

Bayern kisha walijaribu kumshikilia Tuchel, ambaye aliwaongoza kupoteza nusu fainali ya Ligi ya Mabingwa dhidi ya Real Madrid. Tuchel, hata hivyo, alisema wahusika “hawakuweza kufikia makubaliano” juu yake kusalia katika mji mkuu wa Bavaria.

Kompany ana uzoefu wa Bundesliga, amewahi kucheza Hamburg kabla ya kujiunga na Manchester City.

Alichukua hatamu za Burnley mnamo 2022, na kuwapeleka hadi Ligi ya Premia kama mabingwa wa daraja la pili msimu mmoja baadaye.

Kompany hata hivyo hakuweza kuiweka Burnley katika daraja la juu, huku klabu hiyo ikishushwa daraja katika nafasi ya 19 kwenye ligi yenye timu 20.

Imetayarishwa na: Nelson Andati