Katibu wa Chama cha Michezo cha Shule za Upili za Kaunti ya Vihiga Homer Mugalitsi anataka makocha kuzingatia viwango vya juu vya uadilifu ili kuhakikisha hakuna anayenufaika na fursa ambayo jukwaa huwapa wanafunzi wanaoshiriki.

Mugalitsi anasema kuongezeka kwa kesi za uigizaji na ubadilishaji wa hati ili kuruhusu wasio wanafunzi kushiriki katika michezo hiyo imekuwa mwiba kwa waandaaji, ambao wanaonya kuchukuliwa kwa hatua kali kwa wale wanaopatikana na hatia.

Kwa hivyo, baraza linalosimamia michezo ya shule za upili katika Kaunti ya Vihiga limeunda kamati, iliyotwikwa jukumu la kuchunguza maelezo ya wanafunzi, zoezi ambalo Mugalitsi anasema litawachuja wasio wanafunzi. Maeneobunge ya Luanda na Emuhaya yatashiriki michezo ya Kaunti ya mwaka huu, na Mumboha, Esiandumba, Ebusakami na uwanja wa Esssaba unatarajiwa kuandaa michezo ya soka kati ya Juni 19-22, 2024.

Esalwa itaandaa mashindano ya raga, huku uwanja wa Bunyore Girls utakaribisha timu za mpira wa vikapu na badminton.

Wakati huo huo, michezo ya tenisi ya lawn na tenisi ya meza itafanyika katika Shule ya Upili ya Wasichana ya Ibubi. Timu zitakazoshiriki katika voliboli na netiboli zitapangwa katika viwanja vya Itumbu na Mumboha mtawalia.

Ebwali Boys na Ibubi Girls almaarufu ‘Maroon Commandos’ watakuwa wakipeperusha bendera ya soka ya Luanda, huku Emusire Boys na Ebusiratsi’s St. Bakhitas Girls zikiwa zamu kwa Jimbo la Emuhaya.

Madira Soccer Assassins na Vihiga Boys watawakilisha Eneobunge la Vihiga.

Imetayarishwa na Nelson Andati