Serikali imetoa wito kwa wanafunzi kuwasilisha maombi yao ya ufadhili wa vyuo vikuu kabla ya muda ulioongezwa mnamo Agosti 15, 2024.

Msemaji wa serikali Isaac Mwaura amesema ni maombi 79,038 pekee ya ufadhili kati ya wanafunzi 153,275 waliosomeshwa na KUCCPS ndio yamepokelewa kufikia Agosti 4, 2024.

Ameongeza kuwa wanafunzi watarajiwa wanaweza kutuma maombi ya ufadhili wa masomo na mikopo bila kuwa na kitambulisho
Alisema kuwa waombaji walio na umri wa chini ya miaka 18 wanaweza kutuma maombi ya mikopo na ufadhili wa masomo kwa kutumia nambari yao ya faharasa ya KCSE na kuambatisha nakala ya cheti chao cha kuzaliwa badala ya kitambulisho chao cha kitaifa.

Kwa upande mwingine, wale walio na umri wa miaka 18 na zaidi na ambao bado hawajapewa kitambulisho cha kitaifa wanaweza kutuma maombi ya mkopo na ufadhili wa masomo kwa kutumia nambari ya usajili ya KCSE Index na kuambatisha kadi zao za kusubiri kama ushahidi wa maombi yao ya vitambulisho yanayosubiri.

Mwaura alisema katika dhamira yake ya kuboresha viwango vya elimu, serikali katika bajeti 1 ya nyongeza iliyoidhinishwa imetenga Sh36.31 bilioni kwa Bodi ya Mikopo ya Elimu ya Juu.

Imetayarishwa na Janice Marete