Kampuni ya maziwa ya Brookside nchini Uganda imekashifu madai ya utoaji wa vibali kwa upendeleo kwa wasafirishaji wa maziwa na mamlaka ya kenya.

Kampuni hiyo inayomilikiwa na familia ya Kenyatta inashutumu bodi ya maziwa ya kenya (KDB) kwa idhini ya kuchagua hati muhimu zinazohitajika kusafirisha bidhaa katika soko la Kenya kutoka kwa shughuli zake za Uganda.

Mkurugenzi mkuu wa bodi hiyo Margaret Kibogy hata hivyo amepuuzilia mbali madai hayo akisema biashara kati ya Kenya na Uganda ni laini.

Brookside Uganda inadai kuwa ingawa maziwa ya Uganda kama vile lato na dairy top yanaingia Kenya kwa urahisi, kdb imekataa vibali vya kuagiza bidhaa zake za dairy fresh.

Wafanyabiashara katika sehemu za bonde la ufa na magharibi mwa nchi wamethibitisha kupatikana kwa bendi za Uganda; huku duru za kuaminika zikisema kdb iliruhusu uagizaji wao, huku ikinyima vibali vya kuagiza kwa brookside.

Wafanyabiashara sasa wanatoa wito kwa serikali hizo mbili kupitia upya na kutatua hitilafu hiyo ili kuwapa wateja chaguo pana zaidi la bidhaa.

Meneja mkuu wa brookside limited jijini Kampala, Benson Mwangi, amesema kampuni hiyo haijapata jibu lolote kutoka kwa KDB kuhusu hatima ya vibali 114 vya kusafirisha nje ya nchi alizoomba, na kwamba mawaidha kadhaa kwa mdhibiti wa maziwa ya kenya yaliangukia patupu.

Imetayarishwa na Antony Nyongesa