Mchezaji wa zamani wa timu ya taifa ya Kenya Charles Okwemba anaamini Harambee Stars wana uwezo wa kuwashinda wababe wa Afrika na mabingwa mara tano wa Kombe la Mataifa ya Afrika Cameroon wakati timu hizo mbili zitapambana katika mechi ya kufuzu kwa AFCON 2025 siku ya Ijumaa.

Stars imepangwa pamoja na Indomitable Lions, Zimbabwe na Namibia na vinara wa Kundi ‘J’ kwa pointi nne.

Ushindi au sare katika mechi mbili za kichwa- mjini Douala na Kampala- utawaweka Wakenya katika ushindani mkali wa kufuzu kwa Fainali za AFCON 2025 na Okwemba anazungumzia nafasi za Stars.

Stars inamenyana na Wacameroon siku ya Ijumaa na kumenyana katika mchezo wa marudiano utakaofanyika Jumatatu jijini Kampala Uganda na kiungo huyo wa zamani ameionya Stars kutumia kila nafasi inayopata wakati wa mchezo huo ili kuepusha usumbufu dakika za mwisho.

Kenya walio kileleni mwa msimamo wa kundi wakiwa na pointi nne sawa na Cameroon, watakuwa wakicheza bila mashabiki mjini Kampala lakini kiungo huyo wa zamani anaamini kuwa vijana hao wa nyumbani bado watakuwa na ari ya kutoa matokeo mazuri.

Imetayarishwa na Janice Marete.