Tume huru ya uchaguzi na mipaka, IEBC, imewahimiza vijana kujisajili kwa wingi kama wapiga kura, kwa misingi kwamba malalamishi yao ya uongozi yanaweza tu kutatuliwa kwa kuwachagua viongozi walio na uwezo wa kuiendesha nchi.

Akizungumza kwenye kaunti ya Machakos, kamishna wa tume hiyo Alutalala Mukhwana, amesisitiza kuwa uchaguzi mkuu wa mwaka ujao utawapa jukwaa zuri la kupaaza sauti yao.

Hata hivyo, amesisitiza kuwa mfumo wa uchaguzi hautabadilishwa kwa sasa.

Imetayarishwa na Antony Nyongesa