Vilabu vya Ligi Kuu ya Uingereza vimeanza kwa kasi kusajili wachezaji wapya katika dirisha hili la usajili huku mikataba ya pesa nyingi itaendelea kuja na uhamisho mkubwa unaoendelea kwa sasa.

Liverpool imekuwa ikifanya kazi ya ziada kumpata mchezaji Florian Wirtz. Mazungumzo yanaendelea kuhusu mkataba utakaokuwa wa rekodi ya klabu utakaogharimu zaidi ya pauni milioni 120, huku Milos Kerkez pia akiwa kwenye mazungumzo ya kuhamia Anfield.

Wakati huohuo, Manchester United wamesonga kwa akasi baada ya kupata mwanga juu ya uhamisho kutoka kwa Bryan Mbeumo, na kutoa ofa ya ufunguzi kwa mshambuliaji anayetafutwa wa Brentford – ingawa inaonekana kuwa hawatakubali.

Arsenal pia wako sokoni kutafuta nguvu zaidi na bila shaka wanapaswa kufanya uamuzi hivi karibuni iwapo watamfuata Viktor Gyokeres au Benjamin Sesko. Wanaonekana kukosa shabaha ya muda mrefu, Joan Garcia, huku mlinda mlango akiwa tayari kujiunga na Barcelona.

Kwingineko, Manchester City wanataka kumtoa Jack Grealish huku winga huyo akitarajiwa kukosa kikosi chao cha Kombe la Dunia la Vilabu huku Chelsea wakikamilisha dili la £30m kwa Liam Delap.

Imetayarishwa na Nelson Andati