Kocha mkuu wa mchezo wa magongo wa Tigoi Girls, Moses Erima, ana imani kwamba watatetea taji lao la kitaifa katika Michezo ijayo ya Kitaifa ya Muhula wa Kwanza ya Chama cha Michezo cha Shule za Sekondari Kenya (KSSSA) inayopangwa Aprili 7-12 huko Shanzu TTC mjini Mombasa.

Wababe hao wa eneo la Magharibi waliwashinda Misikhu Girls 1-0 na kukata tiketi yao ya tatu mfululizo wiki mbili zilizopita, na Erima anasema maandalizi yako katika hali ya juu kutwaa tena taji hilo.

Licha ya kuwapoteza wachezaji sita wa kikosi cha kwanza, Erima ana imani kuwa watatawala na kutwa ushindi.

Kuhusu washiriki wapya Ng’iya Girls wakionyesha changamoto baada ya kuwashinda wapinzani wao wa kudumu Nyamira Girls, Erima alisema hawana cha kuwa na wasiwasi ila watakuwa waangalifu wakati pande hizo mbili zitakapokutana.

Timu hiyo yenye maskani yake Vihiga inajua wana kazi kubwa ya kurudia ushindi wa mwaka jana, huku mabingwa wa Afrika Mashariki, St. Josephs Kitale, pia wakiwa tishio kubwa katika Uwanja pamoja na  St. miamba ya Mpesa Foundation Academy, na Ng’iya Girls ya Nyanza.

Imetayarishwa na Nelson Andati