Hatima ya fainali ya soka ya wavulana ya Shule za Sekondari ya Nyanza iliyoahirishwa itajulikana wiki hii.

Koderobara walipangwa kukutana na Matutu PAG ya Nyamira kwenye fainali lakini mchezo uliahirishwa kufuatia rufaa iliyowasilishwa na Agoro Sare waliofuzu nusu fainali dhidi ya Matutu PAG.

“Agoro Sare alikata rufaa dhidi ya Matutu kwa madai ya kuchezesha wachezaji wasiostahili. Kesi hiyo iliwasilishwa kwa mahakama na kukabidhiwa kwa afisi ya Mkurugenzi wa Elimu wa Kanda ya Nyanza,” katibu wa Chama cha Michezo cha Shule za Sekondari Kenya (KSSSA) Kanda ya Nyanza.

Mchezo kati ya Agoro Sare na Matutu uliahirishwa katika dakika ya 75 kutokana na msururu wa mashabiki. Kufikia wakati wa kuachwa, Matutu walikuwa wakiongoza 2-0 katika mechi hiyo iliyochezwa katika Shule ya Upili ya Cardinal Otunga, Mosocho. Watu kadhaa akiwemo kocha Matutu Joseph Ongoro na wachezaji walijeruhiwa.

Imetayarishwa na Janice Marete