Waziri wa Elimu Julius Migos Ogamba amesema serikali imetatua mzozo wa deni la wachapishaji vitabu, hatua inayofungua upya mchakato wa uchapishaji na usambazaji wa vitabu shuleni.

Ogamba amesema Wizara ya Fedha imetoa shilingi bilioni tano nukta sita, fedha zitakazowezesha kuendelezwa kwa shughuli za uchapishaji zilizokwama kwa muda.

Waziri huyo ameongeza kuwa Wizara ya Elimu inatarajiwa kutuma barua kwa wachapishaji ili waanze mara moja uchapishaji na usambazaji wa vitabu katika shule mbalimbali nchini.

Imetayarishwa na Cyrus Sifuna