Nahodha wa timu ya Kenya 15s George Nyambua anasema lengo pekee la timu hiyo katika Kombe la Afrika la Raga wiki hii ni kufuzu kwa Kombe lijalo la Dunia linalotarajiwa kuchezwa Australia mnamo 2027.

Timu ya Kenya Simbas itashiriki katika mechi za kufuzu zinazohusisha timu nane katika mashindano ya Kombe la Raga la Afrika 2025.

Nyambua anasema timu imejiandaa vya kutosha, baada ya kuwa na kambi mbili tofauti za makazi ili kuimarisha mshikamano wao na kufanyia kazi maeneo ambayo wamekuwa na udhaifu.

Timu hiyo ilianza kwa kuweka kambi Kakamega, Magharibi mwa Kenya, kabla ya kuelekea kwa kambi ya mwezi mmoja iliyofanya vizuri nchini Afrika Kusini.

Nahodha huyo anasema wanahofia timu ngumu ya Uganda, akibainisha kuwa watakuwa wakicheza nyumbani na watafurahia uwepo wa mashabiki wao wa nyumbani, lakini anasisitiza kuwa umakini wao ni mkali mno kiasi cha kutokengeushwa.

Imetayarishwa na Nelson Andati