Romania na Slovakia zote zilifuzu kwa hatua ya 16 bora kwenye Euro 2024 baada ya sare ya 1-1 katika mchezo wao wa mwisho wa Kundi E Jumatano.

Ondrej Duda aliiweka Slovakia mbele katika kipindi cha kwanza lakini Razvan Marin wa Romania akasawazisha kwa mkwaju wa penalti kabla ya muda.

Huku timu zote nne katika kundi hilo zikipata pointi nne kutokana na michezo yao mitatu, Romania ilimaliza kileleni ikiwa imefunga mabao mengi zaidi ya Ubelgiji iliyo nafasi ya pili.

Slovakia ilipita katika nafasi ya tatu kutokana na tofauti ya mabao ya juu dhidi ya Ukraine iliyo nafasi ya nne.

Ilikuwa ni wakati wa kukumbukwa kwa Romania, ambao wako katika hatua ya mtoano ya Euro kwa mara ya kwanza baada ya miaka 24.

Romania walikuwa wamefuzu mara moja tu kwa hatua ya 16 bora katika mechi zao tano za Euro, lakini kikosi cha Edward Iordanescu kimemaliza ukame huo wa muda mrefu.

Slovakia wako katika hatua ya mtoano ya mchuano huo mkubwa kwa mara ya tatu.

Walifika hatua ya 16 bora kwenye Kombe la Dunia la 2010 na kufika hatua hiyo hiyo kwenye Euro 2016.

Imetayarishwa na Nelson Andati