Mwanariadha wa Kenya Ruth Chepngetich alivunja rekodi ya dunia kwa karibu dakika mbili kwenye Marathon ya Bank of America ya Chicago, akishinda mbio za barabarani za World Athletics Platinum Label kwa muda wa 2:09:56 jana JumapiliSiyo tu kwamba alivunja rekodi ya dunia ya Tigist Assefa ya 2:11:53, iliyowekwa Berlin mwaka jana, lakini pia Chepngetich alijipatia ushindi wake wa tatu kwenye Marathon ya Chicago na akaongeza zaidi ya dakika nne kutoka rekodi yake ya awali ya 2:14:18, aliyoiweka alipoibuka mshindi mwaka 2022.Katika siku nzuri kwa wakimbiaji wa Kenya, John Korir alishinda taji la wanaume kwa muda wa 2:02:43, ambao ni muda wa pili kwa kasi kuwahi kurekodiwa Chicago nyuma ya rekodi ya dunia ya 2:00:35 iliyowekwa na marehemu Kelvin Kiptum mwaka jana.

Chepngetich alionesha nia yake wazi tangu mwanzo. Alikimbia kwa urahisi kilomita 5 za kwanza kwa dakika 15:00 na alikuwa na Sutume Asefa Kebede wa Ethiopia kama mwenzake, kisha kufika kilomita 10 kwa muda wa kushangaza wa dakika 30:14 huku Kebede akiwa sekunde mbili tu nyuma.

Chepngetich alimaliza kilomita 10 zilizofuata kwa muda wa dakika 31:22, ambayo ilikuwa ya polepole zaidi katika mbio hizo, lakini bado ilikuwa ya haraka sana na ilitosha kuongeza pengo lake la uongozi hadi zaidi ya dakika sita. Akiwa na kilomita zaidi ya mbili tu kumaliza, alikuwa bado ndani ya muda wa kuvunja rekodi ya dunia, na uwezekano wa kuivunja uliongezeka kila hatua aliyopiga.

Akiwa na kumbukumbu ya mbio za mwaka 2022, ambapo alikosa kuvunja rekodi ya dunia kwa sekunde 14 tu, Chepngetich alikaza kamba kwenye hatua za mwisho na akavuka mstari kwa muda wa saa 2:09:57, akiwa mwanamke wa kwanza kuvunja rekodi ya saa 2:10. Kwa kushangaza, ni wanariadha tisa tu waliokimbia kwa kasi zaidi katika mbio za wanaume leo.

Imetayarishwa na Janice Marete