Mwanamume mwenye umri wa miaka 48 amekamatwa kuhusiana na kisa cha kumdunga kisu na kumuua mwanawe mwenye umri wa miaka 24 katika kijiji cha Mosobecho, Kaunti ya Nandi.

Mwathiriwa amefariki dunia katika Hospitali ya Rufaa ya Kapsabet alipokuwa anatibiwa baada ya kujeruhiwa.

Kulingana na ripoti ya polisi, kijana huyo aliuawa kwa kuchomwa kisu kifuani wakati wa ugomvi na babake.

Makabiliano hayo ambayo yalizidi kuwa vurugu, yalisababisha mwanaume huyo kutokwa na damu nyingi kutokana na jeraha la kuchomwa kisu.

Sababu ya mzozo huo bado haijafahamika. Mamlaka iliarifiwa eneo la tukio na baadaye hospitali ambapo Kenneth alitangazwa kuwa amefariki.

Babake amefuatiliwa baadaye na kukamatwa akitarajiwa kufikishwa mahakamani hii leo kujibu mashtaka ya mauaji.

Mwili wa mwathiriwa umehifadhiwa katika hifadhi ya maiti ya eneo hilo ukisubiri uchunguzi.

Imetayarishwa na Janice Marete