Rayton Okwiri wa Kenya anatazamiwa kumenyana na Shafik Lukyamuzi wa Uganda katika pambano la kuwania taji Ndondi la Dunia (WBA) linalotarajiwa kuchezwa Septemba 1, 2024, Port Louis, Mauritius.

Pambano hilo litakuwa la taji la Pan-African Middleweight lililo wazi na kuahidi kuwa pambano la kusisimua kati ya mabondia wawili wenye ujuzi.

Okwiri ambaye anasimamiwa na Katibu Mkuu wa Chama cha Ngumi za Magereza nchini Kenya Bernard Otoo, anasema yuko tayari kwa mpinzani wake kwani inafika wakati alitamani sana pambano la ubingwa wa dunia kabla ya kutundika daruga zake.

Okwiri alimshinda Limbani Chikapa wa Malawi kwa mara ya mwisho katika pambano la raundi nne lisilo la ubingwa katika uwanja wa Boxing na Jammin III mjini Moka, Mauritius, mwezi uliopita, na kwa sasa anafanya mazoezi chini ya jopo la makocha watatu wakiongozwa na mchezaji wa zamani wa kimataifa Daniel Shisia.

Rayton Okwiri anajulikana kwa mtindo wake wa ukabaji na ustadi wa kiufundi na amejijengea sifa kubwa katika uzani wa kati kwa ushindi kadhaa wa kuvutia.

Kwa upande mwingine, Shafik Lukyamuzi ni mpinzani wa kutisha mwenye rekodi imara, anayejulikana kwa ngumi za nguvu na uimara ulingoni, na atataka kumkasirisha Okwiri na kutwaa taji hilo mwenyewe.

Imetayrishwa na Nelson Andati