Mlango wa jukwaa la ASK Showground utafunguliwa Jumamosi hii wakati Menengai Oilers wakikaribisha KCB Rugby Club katika kile ambacho wengi wakiita mechi kufa kupona  ya wiki hii.

KCB wapo nafasi ya tatu kwenye jedwali la Kenya Cup wakiwa na pointi 39 baada ya raundi nane, wakifuatilia kwa karibu viongozi wa pamoja Kabras Sugar na Menengai Oilers, ambao wote wapo kwenye pointi 40.

Kutokana na tofauti ya pointi moja tu kati ya timu tatu za juu, Wiki ya 9 imegeuka kuwa pambano lenye mvutano mkubwa kwa ajili ya nafasi ya kucheza nusu-fainali nyumbani.

Imetayarishwa na Cyrus Sifuna