Naibu Gavana wa Kaunti ya Kericho, Fred Kirui ameibua madai ya kufujwa kwa zaidi ya shilingi milioni 80 katika serikali ya kaunti hiyo, akitaka uchunguzi kufanywa na kuwawajibisha wahusika.

Kirui ambaye amekuwa na utofauti na Gavana Eric Mutai, amesema pesa hizo zililipwa kwa zaidi ya kampuni 33 za kandarasi na usambazaji bidhaa.

Anadai kuwa malipo hayo yalifanyika kati ya Oktoba mwaka jana na Aprili mwaka huu ila bidhaa hizo hazikuwasilishwa.

Imetayarishwa na Antony Nyongesa