Kocha mkuu wa Nzoia Sugar FC, Charles Odero ametaja makosa ya safu ya ulinzi kuwa sababu
kuu ya kushindwa kwao 3-1 na Naivas FC kwenye mechi ya Ligi Kuu ya Kitaifa (NSL) Jumamosi.

Kipigo hicho, ambacho kiliashiria kushindwa kwa Nzoia kwa mara ya kwanza mwaka huu baada
ya ushindi wa kuvutia wa mechi tano mfululizo na sare moja, kilimwacha kocha huyo akiwa
amechanganyikiwa na timu yake kukosa umakini kwenye safu ya ulinzi.

Odero alizidi kusisitiza kwamba wachezaji wengi walioshiriki mechi hiyo walikuwa vijana na
wasio na uzoefu, jambo ambalo lilichangia makosa ya gharama ambayo Naivas aliyatumia.Licha
ya hasara hiyo, Nzoia FC imesalia na nia ya kurejesha kiwango chao; “Timu ilipoteza wakati
inapigana, hatukuiacha ishuke. Ni mchakato wa kujifunza kwa vijana wapya ambao wanajaribu
kufuata.”

Nzoia Sugar FC kwa sasa inashikilia nafasi ya 10 kwenye msimamo wa NSL ikiwa na alama 29
baada ya mechi 20. Huku mechi muhimu zikiwa mbele, Odero na benchi lake la ufundi
watapania kuimarisha safu yao ya ulinzi na kurejesha kasi ya ushindi iliyokuwa imewaweka
katika nafasi nzuri katika ligi.

Imetayarishwa na Nelson Andati