Kiungo wa kati wa Ujerumani Ilkay Gundogan Jumanne alisajiliwa na Galatasaray kutoka Manchester City kwa uhamisho wa bure, timu zote mbili zilitangaza.

Mchezaji huyo mwenye umri wa miaka 34 amekubali mkataba hadi mwisho wa msimu wa 2026-27 na mabingwa hao wa Uturuki. Gundogan, ambaye alizaliwa Ujerumani na wazazi wa Kituruki, alikuwa mchezaji wa kwanza wa Pep Guardiola kusajiliwa na City mwaka 2016 na alikaa huko kwa miaka saba kabla ya kujiunga na Barcelona kwa uhamisho wa bure 2023.

Alijiunga tena na City mnamo Agosti 2024 na kucheza mechi 33 kwenye Premier League msimu uliopita huku timu ya Guardiola ikimaliza nafasi ya tatu.

Gundogan alishinda Ligi ya Premia mara tano akiwa na City na vile vile Ligi ya Mabingwa msimu wa 2022-23.

Imetayarishwa na Nelson Andati