Kiungo mshambuliaji wa klabu ya Nairobi United, Brian Machaka, amekiri kuwa safari ya timu hiyo katika Kombe la Shirikisho Afrika imefikia tamati, lakini akasema mafunzo waliyopata yatawajenga kumaliza vyema msimu wa ligi ya nyumbani.

Machaka amesema kushiriki mashindano ya bara kumeibadilisha timu kifikra na kuinua viwango vya ndani, akiongeza kuwa kukabiliana na soka la Afrika kumeongeza umakini na nidhamu miongoni mwa wachezaji.

Nairobi United ilikabiliana na timu zenye nguvu za mwili na mbinu kali, hali iliyoibua mapungufu yanayohitaji kurekebishwa haraka. Machaka ameutaja mchezo wa nguvu kuwa moja ya changamoto kuu iliyoamua hatima ya kampeni yao ya bara.

Imetayarishwa na Cyrus Sifuna