Polisi katika kaunti ya Bungoma wanatarajia kumfikisha mahakamani mshukiwa mmoja anayedaiwa kuwauma na kuwajeruhi maafisa 2 wa polisi kutoka kituo cha Namwela, waliokuwa wamekwenda kumkamata kwa tuhuma za uhalifu.

Kulingana na wakazi, maafisa 2 kati ya 3 waliokuwa wamefika nyumbani kwa jamaa huyo katika kijiji cha Sitabicha, walishambuliwa na mshukiwa aliyewauma begani na mikononi, ila afisa wa 3 akafanikiwa kumdhibiti.

Kamanda wa polisi Magharibi mwa nchi Issa Mohamud, amesema mshukiwa atafunguliwa mashtaka ya uharibifu wa mali kimaksudi, kuzuia kukamatwa na kuwashambulia polisi.

Imetayarishwa na Antony Nyongesa