Mamlaka ya Kilimo na Chakula (AFA) imetangaza usajili wa lazima kwa vifungashio vyote vya sukari nchini.
Zabuni hii ya AFA inalenga kuboresha ubora na ufuatiliaji wa bidhaa za sukari nchini Kenya.

Huku agizo likitarajiwa kuanza kutekelezwa rasmi tarehe 15 Oktoba 2024, AFA imeagiza kampuni zinazohusika na uwekaji upya wa sukari kutoa maelezo yao.

Hatua hiyo ni sehemu ya juhudi za kuhakikisha ubora wa sukari unafuatiliwa na kudumishwa katika maduka yote ya reja reja.

Utaratibu wa usajili unaendana na masharti ya Sheria ya Mazao Namba 16 ya mwaka 2013 ambayo inaagiza wafungaji sukari wote kutimiza maagizo sahihi ili kuhakikisha matumizi salama ya sukari sokoni.

Kulingana na ilani ya umma ambayo imetolewa na AFA, wapakiaji sukari wanatakiwa kujaza Fomu 9 (maombi ya usajili wa upakiaji upya wa sukari) inayopatikana kwenye tovuti ya AFA.

AFA inadai kwamba fomu hiyo iambatanishwe na cheti cha usajili wa chapa ya biashara, sampuli ya chapa, cheti cha biashara au jina la biashara, cheti halali cha kufuata kodi, kitambulisho au pasipoti za wakurugenzi, uzito wa kupakiwa upya Kgs au gramu) na idhini ya KeBs na kufuata mahitaji mengine ya uwekaji lebo.

Imetayarishwa na Janice Marete