Mshambuliaji wa Fortune Sacco, Collins Mwangi, ameweka malengo ya kumaliza msimu kama mfungaji bora katika Ligi ya Kitaifa huku akiendelea kung’ara mbele ya lango.

Kwa sasa Mwangi yuko nafasi ya pili akiwa na mabao 14, mabao matatu nyuma ya kinara Syphas Otieno mwenye mabao 17, huku Vincent Nyabuto akishika nafasi ya tatu kwa mabao 13. Zikiwa zimesalia mechi 13, ushindani wa tuzo ya mfungaji bora bado uko wazi.

Mwangi amesema mafanikio yake yanatokana na mshikamano na ushirikiano ndani ya kikosi cha Fortune Sacco, akitaja moja ya mechi bora alipofunga mabao manne katika ushindi mkubwa wa 9-0 dhidi ya Kabati Youth FC.

Imetayarishwa na Cyrus Sifuna