Mshambuliaji wa Harambee Stars, Ryan Ogam, ametoa wito wa nidhamu ya kiufundi, uelewa wa nafasi na utulivu wa akili kuelekea mechi ya ufunguzi ya Fifa Series dhidi ya Estonia itakayochezwa Ijumaa katika Uwanja wa Amahoro.

Mechi hiyo ya kwanza kati ya mataifa hayo mawili inakuja wakati muhimu kwa Kenya, ambayo iko katika kipindi cha mabadiliko ikitafuta mwelekeo mpya chini ya kocha Benni McCarthy.

Ogam amesema mechi hiyo itakuwa kipimo muhimu kwa timu huku akitarajiwa kuongoza safu ya ushambuliaji baada ya kukosekana kwa nahodha Michael Olunga, hali iliyoongeza majukumu na matarajio kwake.

Imetayarishwa na Cyrus Sifuna