Manchester United wanaweza kumwania Ollie Watkins wa Aston Villa kuongoza safu yao, huku Bayern Munich watafikiria dili la Luis Diaz na Arsenal wamfukuzie Eberechi Eze wa Crystal Palace.

Huku hayo yakijiri wanatatizika kumwondoa Tyrell Malacia, 25, baada ya PSV Eindhoven kukataa nafasi ya kumsajili beki huyo wa Uholanzi kabisa baada ya kukaa kwa mkopo.

Naye Mchezaji wa kimataifa wa Uingereza Marcus Rashford anakabiliwa na kurejea Manchester United kwa mazoezi ya kabla ya msimu mpya kama Aston Villa, ambapo fowadi huyo alikuwa kwa mkopo kipindi cha pili cha msimu uliopita, hatachukua chaguo la kumsajili mchezaji huyo mwenye umri wa miaka 27 kwa £40m.

Bayern Munich wamemuongeza mshambuliaji wa Liverpool na Colombia Luis Diaz, 28, kwenye orodha yao ya walioteuliwa huku wakiendelea kutafuta winga wa kiwango cha juu wa kushoto.

Arsenal wamefanya mazungumzo na wawakilishi wa kiungo wa kati wa Crystal Palace na Uingereza Eberechi Eze, 27, ambaye ana kipengele cha kuachiliwa kwa pauni milioni 67.5.

Fulham wanapanga kumnunua mshambuliaji wa Genk na Nigeria Tolu Arokodare, 24, ambaye pia anatazamwa na Manchester United na AC Milan msimu wa joto.

Tottenham wanataka kumsajili fowadi wa West Ham na Ghana Mohammed Kudus, 24, na wana imani kuwa wanaweza kufikia makubaliano chini ya kifungu chake cha pauni milioni 85. (Telegraph – usajili unahitajika), nje

West Ham watakuwa tayari kutoa ofa ya takriban £60m kwa Kudus, ambaye pia amevutia Chelsea, Newcastle na Manchester United.

Fowadi wa Brazil Richarlison, 28, amepewa idhini ya kuondoka Tottenham na anatarajiwa kuelekea Uturuki kujiunga na Galatasaray.

Chelsea wanatumai kuongeza takriban pauni milioni 35 kutokana na mauzo ya fowadi wa Ufaransa Christopher Nkunku, 27, msimu huu wa joto

Crystal Palace wanatazamia dau la pauni milioni 27 kumnunua Middlesbrough ili kuwasajili kiungo wa kati Muingereza Hayden Hackney, 23, na mlinzi wa Uholanzi Rav van den Berg, 20.

Mshambulizi wa Uingereza Tammy Abraham, 27, anakaribia kutoa euro 15m (£12.9m) kutoka Roma ya Italia kwenda klabu ya Uturuki ya Besiktas.

Aston Villa wanatazamiwa kuwatoa wachezaji wawili wa fowadi wa Uingereza Louie Barry na beki wa pembeni Kaine Kesler-Hayden, wote wenye umri wa miaka 22, kwa vilabu vya Hull City na Coventry mtawalia

Imetayarishwa na Nelson Andati