Katika juhudi za kurejesha utulivu na mshikamano katika eneo la Suswa kaunti ya Narok, mamlaka ya kutathmini mienendo ya maafisa wa polisi IPOA imesema inafanya uchunguzi wa kina kwenye mauaji ya watu wawili eneo hilo mwishoni mwa juma lililopita.

Kwa mujibu wa mamlaka hiyo, haki itapatikana kwa waathiriwa baada ya uchunguzi kukamilika kwenye machafuko hayo yaliyosababisha afisa wa polisi kukatwa mkono.

Maafisa wa IPOA wamezungumza baada ya kuwatembelea waathiriwa katika hospitali ya rufaa ya Narok.

Imetayarishwa na Antony Nyongesa