Serikali ya Marekani imeelezea wasiwasi wake kuhusu ushuru wa asilimia 50 unaowekwa na Kenya kwa mahindi yanayoagizwa kutoka nje ya Jumuiya ya Afrika Mashariki (EAC), pamoja na kanuni kali za usalama, ambazo zinazuia mahindi mengi kutoka Marekani kuingia katika soko la Kenya.

Kulingana na gazeti la Business Daily, ingawa soko la mahindi la Kenya lina thamani ya bilioni 6.47 za Kenya na linatarajiwa kukua kwa asilimia 30 ifikapo mwaka 2027, mahindi ya Marekani yanakosa ushindani kutokana na vikwazo hivi.

Hata hivyo, Kenya imesitisha baadhi ya ushuru wakati huu wa upungufu wa chakula, kama ilivyokuwa na idhini ya kuagiza magunia milioni 5.5 ya mahindi ya njano ili kupunguza shinikizo kutoka kwa bei ya mahindi ya juu ya rangi nyeupe, ambayo imepanda kwa zaidi ya asilimia 26 katika kipindi cha miezi mitatu.

Aidha Marekani inasema kuwa hatua hizi za muda si za kutosha, na imetaka Kenya kutoa haki kwa wakulima wake. Huu ni mjadala unaozidi kuongezeka na huenda ukawa na athari katika uhusiano wa biashara kati ya mataifa haya mawili.

Imetayarishwa na Mercy Asami