Kocha mkuu wa timu ya taifa ya Uhispania maarufu kama La Roja Luis de la Fuente, amemteua wing’a wa Rayo Vallecano Jorge de Frutos kujaza pengo la Lamine Yamal kutokana na jeraha katika maandalizi ya kusaka tiketi ya kuelekea Marekani mwaka ujao kwa mashindano ya kombe la dunia.

Kumekuwa na vuta nikuvute baina ya timu hiyo na klabu ya Barcelona yake Yamal kuhusiana na jinsi klabu hiyo imeshughulikia jeraha la kinda huyo.

Uhispania inajiandaa kwa mechi za mwisho dhidi ya Georgia na Uturuki, ambako inasaka tiketi ya kusakata dimba la dunia.

Imetayarishwa na Antony Nyongesa