Timu ya wanawake ya Mathare United wako katika hatua ya karibu kabisa kufuzu ubingwa wa Kanda A ya Ligi ya Taifa ya Wanawake na kupata nafasi ya kupanda ligi ya Kenya ya wanawake baada ya kufanya vizuri msimu mzima.

Kocha mkuu Anne Aluoch amesema mechi yao dhidi ya Gitothua itakuwa ya maamuzi makubwa kwa msimu wao, licha ya kubaki na mechi nyingine tano baada ya hapo.

Timu hiyo imekuwa moja ya timu bora msimu huu, ikiwa na matokeo thabiti yaliyoisaidia kuongoza kundi lao, huku kocha akisisitiza kuwa mafanikio yao yametokana na maandalizi mazuri na ari kubwa hasa katika mechi za ugenini.

Imetayarishwa na Cyrus Sifuna