Waziri wa Mambo ya Ndani Kipchumba Murkomen anataka washiriki wapya wa Ligi Kuu ya FKF, APS Bomet kumaliza tano bora katika msimu wao wa kwanza, kabla ya kujiandaa hatua kwa hatua kuwania taji la ligi hiyo.

Murkomen anasema timu hiyo haihitaji kusubiri kwa muda mrefu kabla ya kupata mtiririko katika ligi kuu.

Murkomen, ambaye ni mlezi wa klabu hiyo, alitangaza kwamba serikali inapanga kukarabati Uwanja wa Bomet wa IAAF wa klabu hiyo ili kufikia viwango vinavyohitajika kuandaa mechi za ngazi ya juu.

Waziri huyo pia alihakikisha kwamba Rais William Ruto atatimiza ahadi yake ya kupeleka basi la timu kabla ya msimu mpya wa Ligi Kuu ya FKF, ambao walifuzu baada ya kumaliza wa pili katika Ligi ya Kitaifa daraja la pili msimu uliopita.

Imetayarishwa na Nelson Andati