Jaribio la Misri la kufuzu kwa Kombe la Dunia lilisitishwa baada ya sare ya 0-0 dhidi ya Burkina Faso katika mchezo wa Kundi A uliochezwa hapo jana.

Kikosi cha Hossam Hassan ambacho hakijashindwa kilisonga hadi pointi 20 na kuongoza Kundi A kwa pointi tano mbele ya Burkina Faso, zikiwa zimesalia mechi mbili za kufuzu.

Huku washindi wa kundi pekee wakifuzu moja kwa moja, mabingwa hao mara saba wa Afrika wanahitaji pointi mbili kutoka kwa michezo yao miwili iliyopita ili kujihakikishia nafasi yao na kufuzu kwa mara ya nne Kombe la Dunia.

Watamenyana na Djibouti na Guinea-Bissau mnamo Oktoba.

Kocha wa Misri Hassan, hata hivyo, alisherehekea matokeo hayo, ambayo yalisogeza timu yake hatua moja kufikia mchuano wa timu 48 utakaoandaliwa Amerika Kaskazini mwaka ujao.

Misri walipata matokeo mabaya mapema pale fowadi wa Manchester City Omar Marmoush alipolazimika kutoka nje kwa sababu ya jeraha katika dakika ya tisa.

Hassan, mfungaji bora wa muda wote wa Misri, atakuwa wa kwanza kuiongoza timu yake kwenye Kombe la Dunia kama mchezaji na kama kocha.

Imetayarishwa na Nelson Andati