Vincent Kompany aliteuliwa kuwa kocha mkuu wa Bayern Munich, na hivyo kuhitimisha ukuaji wa haraka katika taaluma ya ukocha wake licha ya matokeo tofauti.

Kompany, ambaye bado ana umri wa miaka 38, hana uzoefu wa makocha wa awali wa Bayern na alikuwa chaguo la kushangaza kwa timu yake ya Burnley iliyoshuka daraja kutoka Ligi ya Premia msimu huu.

Lakini kwa muda mrefu amekuwa akipangiwa kazi za juu huku meneja wa Manchester City Pep Guardiola akisema ni matarajio  yake siku moja kumrithi Etihad.

Nahodha huyo wa zamani wa City alikaa miaka mitatu chini ya Guardiola akiwa Man City kama mchezaji, akishinda mataji mawili kati ya manne ya Ligi Kuu.

Guardiola pia anajua shinikizo linalotokana na kuwa kocha wa Bayern kutoka kwa muda wake wa miaka mitatu kwenye Bundesliga kati ya 2013 na 2016.

Baada ya majaribio ya kuwavuta Xabi Alonso na Julian Nagelsmann kurudi Allianz Arena kutoka Bayer Leverkusen na timu ya taifa ya Ujerumani kushindwa, Bayern inaripotiwa kutafuta ushauri wa Guardiola kabla ya kwenda kwa Kompany.

Kompany anakabiliwa na mabadiliko makubwa wakati anapobadilisha Turf Moor na kwenda Munich.

Imetayarishwa na Nelson Andati