Serikali ina mpango wa kuanza kutambua na kuwalipa fidia watu ambao wataathiriwa na mradi wa upanuzi wa Reli ya Standard Gauge (SGR), ambao msingi wake umepangwa kufanyika mwezi Machi.

Akizungumza mjini Kisumu, Mkurugenzi Mkuu wa Shirika la Reli Philip Mainga amedokeza kuwa awamu ya 2B ya njia hiyo itakamilika kufikia Juni 2027, na kufungua eneo la Magharibi kwa usafirishaji wa bidhaa na huduma.Miezi miwili baada ya Baraza la Mawaziri kutoa mwanga kwa awamu ya 2B ya SGR ya kilomita 269, viongozi walikutana Kisumu kwa maelezo mafupi kuhusu upeo na ratiba ya mradi.

Mainga aidha ametoa wito wa ushirikiano wa karibu katika uhamasishaji wa jamii, hasa kuhusu unyakuzi wa ekari 5,000 za ardhi zinazohitajika kwa njia ya SGR. Reli hiyo itakuwa na njia kuu ya kilomita 264, na laini ya kilomita 8.6 inayopakana na bandari ya Kisumu. Pia itakuwa na uwezo wa kubeba tani 4,000 za mizigo.

Imetayarishwa na Maurine Amwayi