David Neres aliifungia Napoli mara 2 na kuwapa ubingwa wa kombe la Italian Super Cup katika ushindi wa mabao 2-0 dhidi ya Bologna kwenye fainali jana usiku.

Wing’a huyo wa Brazil aliwaweka Napoli kifua mbele kabla ya kipindi cha kwanza kutamatika baada ya kupinda mpira kutoka mbali, kabla ya kushambulia tena kutokana na makosa ya kipa wa Bologna Federico Ravaglia na kuwapa mabingwa hao wa Serie A ushindi dhidi ya mabingwa watetezi wa Italian Super Cup.

Taji hilo ni la 3 kwa Napoli ambao waliibandua AC Milan kwenye nusu fainali wiki jana.

Imetayarishwa na Antony Nyongesa