Kocha mkuu wa wachezaji saba wa KCB RFC Andrew Amonde anasema hamu yao ya kushinda mkondo wa tano wa mzunguko wa kitaifa wa saba saba huenda ikawagharimu taji hilo mjini Mombasa wikendi walipolazwa 12-15 na Kenya Harlequin katika fainali.

Amonde anasema dakika chache za mvutano kwenye fainali ziliwagharimu mchezo hata anapotarajia kufanya marekebisho katika mkondo wa mwisho mjini Nakuru.

Amonde, ambaye kwa sasa ni kocha wa timu ya taifa ya 7sevens, Shujaa anasema watajaribu haraka kushughulikia makosa ambayo yaliwagharimu taji hilo mjini Mombasa, hata wanapojiandaa kwa mkondo wa mwisho wa mzunguko, Prinsloo 7s, utakaopigwa Nakuru wikendi hii.

Nahodha huyo wa zamani wa Shujaa, ambaye sasa ni mtaalamu wa mabenki wa miaka saba, anasema kuwa na wana Olimpiki kama vile Samuel. Asati na Vincent Onyala kurejea upande wao kumekuwa chachu kwa timu hiyo huku wakipania kutetea ubingwa wao wa Taifa 7s.

KCB itatarajia wikendi murua mjini Nakuru huku wakiwinda Kenya Harlequin ambaye amepania kurejea kileleni mwa mzunguko wa kitaifa wa saba saba kwa mara ya kwanza tangu 2016.

Imetayarishwa na Nelson Andati