Wanafunzi wanaojiunga na gredi ya 10 katika shule za sekondari ya juu wamepewa fursa ya kufanya marekebisho ya shule walizowekwa na serikali kuanzia kesho, baada ya kuripotiwa dosari ikiwemo baadhi ya wanafunzi kuwekwa kwenye shule za jinsia zisizofaa.

Katibu katika idara ya elimu ya msingi Julius Bitok, amesema zoezi hilo la siku 7 litafanyika katika shule ambazo wanafunzi hao walifanyia tathmini ya gredi ya 9, tangazo lake likijiri baada ya malalamishi ya wazazi.

Dosari nyingine ni wanafunzi kuwekwa kwenye shule za kutwa zilizo mbali na nyumbani kwao.

Imetayarishwa na Antony Nyongesa