Mkutano wa nne wa Kimataifa wa Uwekezaji wa Kenya (KIICO) umefunguliwa rasmi mjini Nairobi, huku viongozi wakitia saini mikataba ya uwekezaji yenye thamani ya zaidi ya dola bilioni 2.9 za Marekani, ambazo zinatarajiwa kuzalisha zaidi ya ajira 63,000 za moja kwa moja nchini Kenya.

Mkutano huo wa siku tatu umefunguliwa kwa pamoja na Rais William Ruto na Rais Daniel Chapo wa Msumbiji, ambao wamesisitiza umuhimu wa ushirikiano wa kikanda katika kuhimiza uwekezaji wa kigeni barani Afrika.

Rais Ruto amesema ahadi za uwekezaji, zinazojumuisha kilimo, uzalishaji viwandani, teknolojia ya habari na mawasiliano (TEHAMA), utoaji wa huduma za nje za michakato ya biashara, huduma ya afya, nishati, na mali isiyohamishika, zinaonyesha imani inayoongezeka ya wawekezaji katika matarajio ya kiuchumi ya Kenya.

Imetayarishwa na Maurine Amwayi