Kocha mkuu wa Timu ya Kenya katika Mashindano ya Riadha ya Dunia ya 2025 huko Tokyo, Japan, Julius Kirwa ameteuliwa kuwa Kocha wa Mwezi wa Septemba.

Uongozi wa Julius Kirwa ulikuwa muhimu alipoiongoza Kenya kutwaa medali 11 za kuvutia, saba za dhahabu, mbili za fedha na mbili za shaba.

Hii ilikuwa hatua ya kutoka kwa Mashindano ya Dunia ya 2023 huko Budapest, ambapo Kenya ilijishindia medali 10, zikiwemo tatu za dhahabu, tatu za fedha, na nne za shaba.

Akizungumza baada ya kupokea tuzo hiyo, Julius Kirwa aliwasifu waandalizi kwa kuthamini jukumu la makocha na kupongeza sekta ya kibinafsi kwa mchango wake katika michezo.

Kocha wa raga wa KCB Andrew Amonde, ambaye aliongoza timu yake kunyakua taji la Kitaifa la 7s Circuit 2025, pia alikuwa miongoni mwa walioteuliwa.

Kocha wa Kenya U-20 wa voliboli ya wanaume Luke Makuto pia alikuwa mbioni, baada ya kuiongoza timu yake kutwaa medali ya shaba kwenye michuano ya Mataifa ya Afrika ya CAVB baada ya kuwalaza Uganda 3-1 katika mchujo.

Rais wa SJAK James Waindi alisifu ushindani unaokua katika nyanja mbalimbali za michezo, akibainisha kuwa mustakabali wa michezo nchini unaonekana kung’aa kuliko hapo awali.

Imetayarishwa na Nelson Andati