Kamishna Mkuu wa Magereza Patrick Aranduh amewataka maafisa wa magereza nchini kuzingatia kikamilifu taratibu za usalama, akisema jukumu lao kuu ni kuwafungia wafungwa kwa usalama na kulinda wananchi.

Akizungumza na wakurugenzi, makamanda wa kanda na maafisa wanaosimamia vituo vya magereza katika mkutano uliofanyika Chuo cha Mafunzo cha Maafisa wa Magereza, Aranduh ameonya kuwa uzembe au kupuuza taratibu za usalama hakutavumiliwa.

Aranduh ametoa wito wa uwajibikaji na kujituma zaidi, akisisitiza umuhimu wa usimamizi madhubuti wa wafungwa na uendeshaji mzuri wa vituo vya kurekebisha tabia.

Imetayarishwa na Cyrus Sifuna