Mkondo wa mwisho wa kufuzu raundi ya 16 katika dimba la klabu bingwa bara Ulaya unasakatwa wiki hii, jumla ya mechi 8 zikisakatwa leo na kesho usiku.

Katika pambano moja, Atletico Madrid watakuwa na kibarua cha kutegua msongamano dhidi ya Club Brugge, kufuatia sare ya mabao 3-3 katika mkondo wa kwanza, timu zote 2 zikiwa na nafasi sawa za kufuzu raundi ya 16 ila Atletico wanajivunia mashabiki wa nyumbani.

Wakati uo huo, kibarua cha pekee kwa Newcastle kitakuwa ni kulinda uongozi wao wa mabao 5 kutokana na ushindi wa mabao 6-1 ugenini dhidi ya mabingwa wa Azerbaijan, Qarabag FK.

Hali sawa itakuwa kwa Bayer Leverkusen, ambao wanacheza nyumbani wakiwa tayari mabao 2 mbele kufuatia ushindi wao wa mabao 2-0 dhidi ya Olympiacos wiki jana.

Nao waangusha miamba- Bodo/Glimt wa Norway, watalenga kuwabomea kabisa miamba wa Italia Inter Milan, watakapocheza mechi yam kondo wa pili leo usiku.

Glimt walivuna ushindi wa mabao 3-1 nyumbani, na kibarua leo ni kuhakikisha wanavuruga mechi na kuwatatiza miamba hao ili kulinda uongozi wao.

Imetayarishwa na Antony Nyongesa