Watu wanne wamefariki baada ya bomba la maji taka lililochimbwa kuporomoka katika mtaa wa Shauri Moyo jijini Nairobi.

Msemaji wa Huduma ya Kitaifa ya Polisi (NPS) Dkt Resila Atieno Onyango amesema kuwa operesheni ingali inaendelea katika eneo la tukio.

Ameongeza kuwa watu watatu wameokolewa na wamehudumiwa.

Kulingana na Shirika la Msalaba Mwekundu la Kenya, watu watatu wameokolewa na kupelekwa katika Hospitali iliyo karibu kufuatia operesheni ya pamoja ambayo imehusisha kikosi cha zima moto cha Kaunti ya Nairobi, shirika la Msalaba Mwekundu la Kenya na maafisa wa polisi

Imetayarishwa na Janice Marete