Mshambulizi wa Gor Mahia Benson Omalla yuko huru kuichezea klabu hiyo tena baada ya kupokea Cheti chake cha Uhamisho wa Kimataifa (ITC) kutoka kwa klabu ya Al Safa FC ya Lebanon.

Katika taarifa iliyotolewa jana, mabingwa hao mara 21 wa Ligi Kuu ya FKF walisema mshambuliaji huyo wa zamani wa Western Stima yuko vizuri baada ya kupokea kibali kutoka kwa Fifa.

Omalla alijiunga na timu hiyo ya Lebanon mwanzoni mwa msimu wa 2024/25, baada ya kuongoza orodha ya wafungaji mabao 19 nchini na kuisaidia K’Ogalo kushinda taji lao la 21 la ligi.

Hata hivyo, ndoto ya kijana huyo mwenye umri wa miaka 23 iligeuka kuwa ndoto kufuatia hali mbaya ya usalama nchini Lebanon ambayo ilisimamisha kila kitu.

Hali hiyo ilichangiwa na miezi minane bila kulipwa mshahara, hali iliyopelekea Omalla kufutilia mbali kandarasi yake na klabu hiyo ili kujiunga tena na Gor katika dirisha dogo la usajili la Januari, lakini amekuwa akisubiri ITC hadi jana.

Imetayarishwa na Nelson Andati