Manchester United imemsajili mlinda mlango wa Ubelgiji Senne Lammens kutoka Royal Antwerp kwa euro 21m za awali (£18.1m) pamoja na nyongeza.

Lammens, 23, ambaye bado hajashinda mechi ya wakubwa kwa taifa lake, anawasili Old Trafford kwa kandarasi ya miaka mitano.

Lammens amecheza mechi 64 akiwa na Royal Antwerp na kuwasaidia kushinda Kombe la Ubelgiji Super Cup mnamo 2023.

Aliitwa katika kikosi cha timu ya taifa ya Ubelgiji kwa mara ya kwanza mwezi Machi.

Mkurugenzi wa kandanda wa United Jason Wilcox aliongeza: “Senne ni golikipa bora kijana mwenye uwezo mkubwa.

Mara tu dili la Lammens lilipoanza, United walimaliza nia yao ya kumnunua mchezaji namba moja wa Aston Villa, Emiliano Martinez, 32, ambaye alishinda Kombe la Dunia akiwa na Argentina mwaka wa 2022 na aliwakilisha chaguo la uzoefu zaidi na lililothibitishwa kwenye Premier-League.

Kuwasili kwa Lammens Old Trafford kunakuja huku klabu ikiwa na nia ya kutatua matatizo ya wazi katika idara yao ya walinda mlango.

Altay Bayindir wa Uturuki amefanya makosa katika Ligi Kuu ya Uingereza na nambari moja msimu uliopita Andre Onana alikosea kufunga bao katika mechi yao ya kutolewa kwa Kombe la EFL dhidi ya Grimsby ya Ligi ya Pili.

Imetayarishwa na Nelson Andati