Mhandisi Richard Ngichabe Binga, mwenyekiti mpya aliyechaguliwa wa Shirikisho la Karate Kenya (KKF), ameahidi kuendeleza utamaduni wa uwazi na ukuzaji vipaji endelevu ndani ya shirika hilo.

Binga alikiri haja ya mageuzi ili kuhakikisha uwazi katika usimamizi wa rasilimali na michakato ya maamuzi ya shirikisho.

Binga, ambaye pia ni mwenyekiti wa klabu ya karate ya Hospitali ya Kitaifa ya Kenyatta, pia amesisitiza umuhimu wa kuzingatia Sheria ya Michezo ya Kenya ya 2013. .Alieleza maono yake ya kuinua viwango vya karate nchini kwa kuzingatia masuala ya utawala na uendeshaji wa shirikisho hilo.

Uchaguzi wake wa Septemba 8 uliashiria hatua muhimu kwa shirikisho hilo, ambalo limekuwa likifanya kazi chini ya kamati ya muda tangu 2023 kutokana na masuala ya awali ya kufuata Sheria ya Michezo.

Imetayarishwa na Nelson Andati