Hatimaye katika fainali ya CHAN Morocco inatarajiwa kumenyana na Madacascar jumamosi hii katika uwanja wa Kasarani jijini Nairobi.

Hii ni baada ya timu ya wachezaji kumi ya Madagascar kuibuka mshindi katika muda wa ziada na kuifunga Sudan 1-0 jijini Dar es Salaam na kutinga fainali ya kwanza kabisa ya Ubingwa wa Mataifa ya Afrika (CHAN) baada ya sare tasa ndani ya muda wa kawaida.
Barea, ambao walimaliza wa tatu katika mechi yao pekee ya awali miaka mitatu iliyopita, watamenyana na Morocco walioilaza Senegal 5-3 kupitia mikwaju ya penalti baada ya timu hizo mbili kutoka sare ya 1-1 kwenye Uwanja wa Kitaifa wa Nelson Mandela mjini Kampala.

Madagascar walianza vyema zaidi walipotawala mpira mbele ya umati wa watu wachache katika Uwanja wa Benjamin Mkapa na kutengeneza nafasi mbili za mapema lakini kipindi cha kwanza kiliisha bila bao.

Sudan, wakitokea nusu fainali yao ya tatu baada ya kukaribia kukosa 2011 na 2018, walipata nafasi nzuri zaidi kipindi cha pili, Walieldin Khidir akikosa bao la kichwa dakika ya 53.

Mechi hiyo ilionekana kuyumba sana katika mwelekeo wa Sudan katika dakika ya 79 wakati Fenohasina Razafimaro wa Madagascar, ambaye alifunga bao la kusawazisha la robo fainali dhidi ya Kenya na kupeleka mechi hiyo kwa mikwaju ya penalti, alipoonyeshwa kadi nyekundu.

Mechi hiyo ilionekana kuelekea kwenye mikwaju ya penalti hadi pale mchezaji wa akiba Toky Rakotondraibe  alipopiga shuti katika dakika ya 116, na kuuwahi mpira uliompita kipa Mohamed Abooja na kuipeleka Madagascar na kuzima matumaini ya Sudan kutinga fainali yao ya kwanza.

Fainali ya Jumamosi mjini Nairobi itazikutanisha Madagascar dhidi ya Wamorocco wenye uzoefu zaidi ambao walifika fainali yao ya tatu ya CHAN katika kipindi cha miaka saba kwa ushindi dhidi ya Senegal kwa mikwaju ya penalti mjini Kampala.

Ilikuwa ni mara ya kwanza kabisa kwa CHAN kukutana kati ya wababe hao wawili wa Afrika na ilikuwa Senegal, mabingwa watetezi, ambao waliambulia damu wakati beki Joseph Layousse alipofunga kwa kichwa kutoka kwa shuti kali.

Lakini dakika saba baadaye Morocco walisawazisha pale Sabir Bougrine alipopiga shuti kali kutoka nje ya eneo la hatari ambalo lilipaa kwenye kona ya juu likuia ni bao lake la pili katika michuano hiyo.

Mchezaji wa Morocco Marouane Louadni alionyeshwa kadi nyekundu ya moja kwa moja kwa kumchezea vibaya Vieux Cisse lakini uamuzi huo ukabatilishwa.

Senegal ilidorora wakati nahodha Seyni N’Diaye alipogonga mwamba wa goli kwa juhudi zao za ufunguzi huku Morocco wakipangua penalti zao zote tano na kutinga tiketi yao ya kuchuana jijini Nairobi Jumamosi.

Imetayarishwa na Nelson Andati