Polisi jijini Nairobi wanaendeleza uchunguzi katika tukio ambapo mbunge wa Embakasi East Babu Owino anadai kushambuliwa na mwakilishi wadi ya Kileleshwa Robert Alai kwenye makabiliano yanayodaiwa kuhusisha tishio la ufyetuaji wa risasi.

Kwenye tukio hilo lililofanyika katika eneo moja la burudani mtaani Kilimani, Owino ambaye tayari ameandikisha taarifa na polisi, anadai kushambuliwa na Alai alipokuwa amekwenda kukutana na kiongozi mmoja eneo hilo.

OCPD wa Kilimani Patricia Yegon, amethibitisha kwamba Alai alikuwa na bunduki.

Imetayarishwa na Antony Nyongesa