Katibu Mkuu wa AFC Leopards Isaac Mulindi anaamini kuwa timu hiyo ina zana zinazohitajika kumaliza ukame wa miaka 26 wa taji la ligi kuu msimu ujao, ambao utaanza mwezi ujao.

Leopards walimaliza katika nafasi ya sita msimu uliopita, lakini Mulindi anasema sasa kila kitu kimedhibitiwa.

Hii ni licha ya mabingwa hao mara 12 kumpoteza nahodha wao Lewis Bandi kwa wapinzani wao Gor Mahia kabla ya msimu mpya kuanza.

Leopards pia wako sokoni kutafuta washambuliaji ambao watasukuma lengo la kumaliza kileleni na Mulindi anasema watatathmini chaguzi zote zinazopatikana ili kuhakikisha wanapata mikataba ya kweli ambayo italeta athari chanya mara moja.

IMetayarishwa na Nelson Andati