Mtendaji mkuu wa klabu ya Saudi Pro League Al-Hilal anasema kwamba uhamisho wa mkopo kwa Cristiano Ronaldo kabla ya Kombe la Dunia la Vilabu ungekuwa “uliopingana kabisa” kwa sababu alichezea “mpinzani wao mkubwa” Al-Nassr.

Al-Hilal walihusishwa na uwezekano wa kumnunua fowadi huyo wa Ureno mwenye umri wa miaka 40 baada ya Fifa kuanzisha dirisha la ziada la uhamisho mapema mwezi huu kwa sababu ya mchuano huo uliofanyiwa marekebisho.

Vilabu vyote viwili hasimu vya Riyadh vinadhibitiwa na Mfuko wa Uwekezaji wa Umma wa nchi hiyo (PIF), na Ronaldo mkataba wake unamalizika Al-Nassr mwishoni mwa Juni. Lakini alipoulizwa kama wanakaribia kumnunua mshambuliaji huyo, Esteve Calzada aliiambia BBC Sport: “Kwa kawaida huwa hatutoi maoni yoyote kuhusu hali za wachezaji, hasa kwa sababu jina letu linawekwa wazi kila mara, wakati mchezaji anafanya mazungumzo na klabu yake au anajaribu kufanya mazungumzo na mchezaji. miezi ya hivi karibuni, Al-Hilal pia wameripotiwa kufikiria kumnunua mshambuliaji wa Liverpool Darwin Nunez na mshambuliaji wa Napoli Victor Osimhen.

Huku akikataa kuzungumzia kesi hizo mahususi, Calzada alisema: “Tunalenga wachezaji wakubwa zaidi. Wachezaji kama Ruben Neves, Aleksandar Mitrovic na Joao Cancelo waliisaidia Al-Hilal kushinda Ligi Kuu ya Saudi ya msimu wa 2023-24, lakini mchezaji aliyesajiliwa kwa rekodi Neymar aliondoka katika klabu hiyo Januari baada ya mechi saba tu baada ya kuumia huko Riyadh.

Alipoulizwa kama klabu ilijutia kumsajili Mbrazil huyo, Calzada – ambaye hapo awali alifanya kazi katika klabu za Barcelona na Manchester City – alisema: “Singesema majuto hata kidogo.

Imetayrishwa na Nelson Andati