SHIRIKISHO la Mpira wa Wavu nchini (KVF) limetaja kikosi cha Malkia Strikers kitakachosafiri kuelekea michuano ya Dunia inayotarajiwa kufanyika Agosti 22 hadi Septemba 7 nchini Thailand.

Marline Terry Tata Idachi (KCB) na Daisy Letting (Kenya Pipeline) walitajwa kwenye kikosi cha wachezaji 16 huku mshambulizi Marclean Okoko akiondolewa.

Mchezaji wa Kenya Pipeline Gladys Ekaru ndiye mchezaji pekee mkongwe katika kikosi hicho ambacho pia kina wachezaji wa kawaida kama Veronica Adhiambo, Pamela Adhiambo, Lorine Chebet, Juliana Namutira, Belinda Barasa na Meldina Sande.Ni Veronicah, Ekaru, Chebet, Sande, Belinda na Nekesa pekee waliohifadhi hadhi ya Ubingwa wa Dunia222.

Kocha mkuu Geoffrey Omondi ana imani timu hiyo itaandika historia akibainisha kuwa hii ni sehemu ya maandalizi ya Michezo ijayo ya Olimpiki.

Malkia itaondoka nchini leo usiku katika makundi mawili kwa muda wa siku nane nchini Vietnam ambapo watakuwa na mazoezi makali na mechi za kirafiki dhidi ya wenyeji na Uhispania kabla ya kuondoka kuelekea Thailand Agosti 19.

Mabingwa hao mara 10 wa Afrika wamepangwa Kundi G pamoja na mabingwa wa zamani wa Ulaya Poland, Ujerumani na Vietnam.

Imetayarishwa na Nelson Andati