Kocha wa Ulinzi Starlets, Collins Ochieng, analenga ushindi dhidi ya Vihiga Queens Jumamosi katika uwanja wa Ulinzi, ushindi utakaowapeleka kileleni mwa jedwali la ligi.

Timu hiyo ilishinda mchezo wa hivi karibuni 2-0 dhidi ya Trinity Starlets na sasa ipo nafasi ya pili ikiwa na pointi 41, alama moja nyuma ya vinara na mabingwa watetezi Kenya Police Bullets.

Trinity Starlets, Vihiga Queens na Kibera Soccer Women zinakamilisha tano bora, huku Ochieng akisema ana imani na wachezaji wake kupata pointi zote na kuendeleza ndoto ya kutwaa ubingwa msimu huu.

Imetayarishwa na Cyrus Sifuna